Жените во Белата куќа имале уплав од Бил Клинтон

Беше ризик да се биде блиску до поранешниот американски претседател Бил Клинтон додека беше во Белата куќа  поради неговото недолично однесување, раскажа Линда Трип поранешна работничка во Белата куќа, која ја откри аферата на Клинтон со Моника Левински, објави „Њузвик“.

Во интервју за Викли стандард, таа рече дека однесувањето на поранешниот претседател на САД толку многу станало импулсивно што вработените во Белата куќа морале да преземаат одредени „мерки“ за да се заштитат.

– Персоналот за одржување стравуваше да биде во негово присуство, се потсети Линда на актуелните сексуални скандали кои ги тресат многуте сфери на јавниот живот.

Читателите на конзервативното списание ги потсети на предаторското однесување на Клинтон вклучувајќи  ги обвинувањата за силување и сексуални напади.

– Персоналот задолжен за чистење на канцеларијата брзо научи да го одбегнува Клинтон, поради неговите импулсни реакции, истакна Линда.

Набрзо после наводниот сексуален напад на волонтерката Кетлин Вајли, Линда разбрала дека Клинтон „навистина е предатор“ и барала преместување, од каде што заминала да работи во Пентагон.

Таа во 1996 година се спријателила со Моника Левински, која ѝ раскажала во детали за односот со поранешниот претседател на САД. Линда почнала тајно да ги снима разговорите со Моника, па покрена случај за Клинтон.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.