Гостиварец нападнат и ограбен пред куќниот праг

Гостиварец, пред неговиот дом, бил нападат од две непознати лица и му биле одземени сто и дваесет илјади денари, информираат од МВР.

44- годишниот И.Д од Гостивар, вчера попладне пријавил дека додека се движел по улицата „Шуматовска“, непосредно пред да влезе во дворот од неговата куќа, од зад грб бил нападнат од две лица. Едното од нив, со една рака, го фатило за врат, а со другата му ја поклопило устата. Во меѓувреме, другото лице му ги пребарало џеповите и од внатрешен џеб од јакната му одзело 120 илајди денари.

Во меѓувреме на вратата се појавила сопругата на И.Д. и повикала помош, по што двајцата разбојници побегнале.

Случајот е пријавен во полициската станица Гостивар, каде работат на расветлување на околностите и поединостите поврзани со овој настан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.