Откриен идентитетот на еден од убиените во Кисела Вода

Идентитетот на еден од двајцата убиени разбојници во менувачницата во Кисела Вода е утврден, соопшти Основното јавно обвинителство – Скопје.

Драматично! Нова крвава пресметка во Скопје: Двајца мртви при вооружен напад во Кисела Вода

„Надлежниот јавен обвинител издаде наредба за обдукција на починатите и за вештачење на прибраниот доказен материјал. Обезбедени се траги од местото на настанот, како и видеонадзорот од менувачницата. Идентитетот на едно од починатите лица е утврден. Во моментот се преземат дејства за идентификација на второто починато лице“, соопшти скопското Обвинителство.

Безживотните тела на разбојниците изнесени од менувачницата во Кисела Вода (фото галерија)

Убиството се случи попладнево околу 16.30 часот при обид за вооружен грабеж. Сопственикот на менувачницата со огнено оружје ги застрела двајцата разбојници, кои починале на самото место.

На сопственикот на менувачницата му била укажана медицинска помош поради добиени телесни повреди при настанот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.