БПЦ прифати да и биде црква-мајка на МПЦ

Бугарската православна црква прифати да биде заштитник на Македонската православна црква-Охридска Архиепископија и да се заложи пред православниот свет за признавање на нејзината автокефалност.

Синодот на Бугарската православна црква денеска одржа заседание во полн состав на кое било одлучено да се формира Комисија од шест членови која ќе преговара со МПЦ-ОА и со останатите православни цркви за конечно решение на статусот на МПЦ-ОА.

Во одлуката на Синидот на БПЦ нема конкретен податок дали во меѓувреме бугарските владици ќе почнат да сослужуваат со македонските архиереи.

МПЦ-ОА минатата недела испрати писмо до БПЦ во кое бараше да биде признаена како автокефална црква, а БПЦ да биде нејзината мајка-црква.

Стигна одговор од БПЦ, наша света должност е да ѝ бидеме црква мајка на МПЦ:

Во состојба МПЦ – ОА да ја признава БПЦ – БП за својот мајка црква, БПЦ – БП со свест за својот свет долг презема обврската да покаже целосна соработка да посредува и да ги застапува православните цркви, преземајќи ги сите неопходни чекори за утврдување на канонскиот статус на МПЦ, ова се вели во одлуката на Светиот синод на БПЦ по повод испратеното писмо од Македонската православна црква.

– Светиот синод на Бугарската православна црква – Бугарска патријаршија на седницата на 27.11.2017 година, во полн состав, го разгледа писмото № 676 / 14.11 .2017 година, на Македонскиот архиепископ Стефан, претседател на Светиот синод на МПЦ. Бугарската православна црква – Бугарскиот патријаршија никогаш не била рамнодушна кон страдањата на Македонската православна црква, поради што, по направени консултации Светиот синод едногласно ОДЛУЧИ: Во состојба дека МПЦ – ОА ја признава БПЦ – БП за својот мајка црква, БПЦ – БП со свест за својот свет долг презема обврската да покаже целосна соработка да посредува и да ги застапува православните цркви, преземајќи ги сите неопходни чекори за утврдување на канонскиот статус на МПЦ. Определува Синодалната архиерејски комисија за преговори со МПЦ и другите помесни православни цркви за воспоставување канонските статус на МПЦ во состав: Старозагорски митрополит Кипријан – претседател, и членови: Ловчанската митрополит Гавриил, Пловдивски митрополит Николај, Западно и средноевропски митрополит Антониј, Варненскиот и Великопреславски митрополит Јован, Неврокопско митрополит Серафим, Русенски митрополит Наум и Врачанскиот митрополит Григориј – се вели во одговорот од БПЦ до МПЦ.

МПЦ-ОА ја поздрави одлуката на Бугарската православна црква:

– Донесеното решение на САС на БПЦ дава надеж за конечно решавање на статусот на легитимната автофекалност на Македонската православна црква во семејството на Помесните православни цркви. Очекуваме, и во иднина, Бугарската православна црква на МПЦ-ОА да и биде постојан сотрудник во остварувањето на потребната богоугодна цел, се вели во соопштението од МПЦ-ОА.

Од МПЦ-ОА посочуваат дека двете цркви имаат одговорност пред своите едноверни, благочестиви и православни народи кои споделуваат мноштво заеднички христијански вредности низ вековниот опстој.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.