Долги редици од ТИР камиони се формирани на турската страна на граничните премини со Бугарија, Капукуле- Капитан Андреево и Хамзабејли-Лесово.
На преминот Капукуле колоната е околу 15 километри и започнува од околината на градот Одрин, соопшти турската Дирекција за граници и трговија Тракија.
На Хамзабејли колоната е околу осум километри, јави агенцијата БТА.
– Царинските канцеларии на турската страна работат нормално, немаме проблеми во однос на услугата или од недостиг на персонал, соопшти царинската дирекција.
Од друга страна, турски извори наведуваат дека колоните се создаваат поради забавена работа на бугарските цариници кои се недоволно екипирани, особено кон крајот на неделата кога се неработни денови.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
