Мажите оженети со привлeчни жени, се позадоволни во бракот

Новата американска студија истакнува дека за среќен брак потребно е жената да биде привлечна. За време на четиригодишното истражување, психологот Андреа Мелцер следела 450 штотуку венчани брачни двојки сакајќи да добие одговор на прашањето, колку привлечноста на сопружниците е важна за добар брак.

Истражувањето открило дека изгледот на сопружниците е поврзан со задоволство во бракот, но само од машка гледна точка.

„Привлечноста на жените многу влијалела на задоволството на мажот во бракот, додека привлечноста на мажот пак, немала никакво влијание на задоволството на жените во бракот. Тоа укажува дека физичката привлечност на партнерката е важна за мажот да биде среќен во бракот, додека за среќата на жените во бракот се поважни други фактори,“ напишале авторите на истражувањето.
Интересно е и тоа дека атрактивните жени исто така се позадоволни во бракот, бидејќи покрај себе имаат среќни мажи кои со самото тоа, и нив ги прави среќни.

Американската студија од 2008 година дошла до слични резултати. Мажите кои себе се сметале за среќници, што се ожениле со атрактивни жени биле посреќни и повеќе се грижеле за потребите на жената, па тие биле посреќни со нив.

„Мажите биле по посветени и повеќе им удоволувале на жените кога се чувствувале среќни. Кога мажите биле поатрактивни отколку жените со кои се во брак, не биле толку мотивирани да им помогнат на своите жени,“ изјави Бенџамин Карни, автор на оваа студија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.