Заев во Србија пречекан од министерот со тајна сметка од „Рајските документи“

Премиерот Зоран Заев вечерва отиде во посета на Белград, каде што утре се очекува официјално да се сретне со претседателот на Србија, Александар Вучиќ и со српската премиерка Ана Брнабиќ со која вечерва оствари неофицијална средба преку заедничка вечера.

На аеродромот „Никола Тесла“, македонскиот премиер беше пречекан од српскиот министер за иновации и технолошки развој Ненад Поповиќ.

Поповиќ е српскиот министер чие што име се споменува во „Рајските документи“. Според документите што излегоа од две агенции за оф шор услуги од Бермудските Острови и Сингапур, покажуваат дека Поповиќ поседува имот што вреди најмалку 75 милиони долари, а дека неговата пазарна вредност е повисока од 100 милиони долари, со што тој убедливо е најбогатиот српски политичар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.