Жена прегазена на „Водњанска”

Сообраќајна несреќа во која едно лице е повредено се случила вчера во 08 часот и 45 минути на булеварот „Мајка Тереза“ пред крстосницата со улиците „Тодор Александров“, „Ацо Караманов“ и „Белградска“.

Според информациите од МВР, патничко возило „Фолксваген Поло“ со скопски регистерски таблици управувано од 38-годишниот Н.А. од Скопје удрил во 45-годишната Ж.А.од Скопје.

-Од незгодата со тешки телесни повреди се здобила пешакот Ж.А. која со истото возило од страна на Н.А. била пренесена во Ургентен Центар во Скопје за укажување на лекарска помош по што истата била пуштена на домашно лекување, информираат од полицијата.

Од страна на увидна екипа од СВР-Скопје на местото на настанот бил извршен увид и се работи на целосно расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.