Поранешната сопруга на некогашниот италијански премиер Силвио Берлускони, според одлука на судот, мора да врати 60 милиони евра алиментација, откако судот одлучи дека тие пари не и требаат.
Берлускони веќе нема да мора да плаќа 1,4 милиони евра секој месец на Вероника Ларио, мајка на нивните три деца.
Неговите адвокати рекле дека Вероника е доволно богата да може и сама да се издржува, бидејќи поседува 16 милиони евра.
Берлускони и Вероника се разведоа во 2009 година, откако тој е виден на прославата на 18 роденден на девојката Руси, која имала амбиција да стане манекенка.
Судот иницијално на Вероника и доделил алиментација од три милиони евра месечно, но износот е намален на 1,4 милиони евра. Берлускони (81) во жалбата навел дека и тоа е премногу.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
