Во пожар во целост изгоре зградата на парламентот на Камерун

Зградата на Парламентот на Камерун е целосно уништена во пожар што изби во текот на ноќта.

Пожарникарите дошле на местото два часа откако пожарот избувнал во зградата во главниот град Јаунде. Нема извештаи за жртви во пожарот. Полицијата засега не соопшти за причините за пожарот.

Јавниот радиотелевизиски сервис ЦРТВ соопшти дека сведоци на настанот изјавиле оти пожарот беснеел на третиот и четвртиот кат од зградата.

Неколкумина пратеници од сите партии и административни органи помагаат во распоредувањето на пожарникарите за да го запрат огнот, кој веќе уништи четири спрата од административниот блок на објектот, беше објавено на државната телевизија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.