Непознато лице денеска отворило оган врз минувачите во близина на пристаништето во францускиот град Ница, јавува весникот „Нис Матин“.
Весникот јавува дека полицијата го опколила местото на нападот, но не успеала да го запре напаѓачот, кој истрелал неколку куршуми.
Според првичните информации, полицијата се упатила кон стан во зграда во близината каде се претпоставува дека напаѓачот побарал засолниште. Телевизијата Франс 3 објави дека при нападот, кој се случил на аголот на улиците Фодере и Лех Валенса, блиску до главното градско пристаниште, нема жртви ниту повредени.
Во јули 2016 година Ница беше цел на тежок терористички напад, во кој 86 лица беа убиени, а над 460 ранети, кога исламистот со туниско потекло Мохамед Лахуај Булел нападна за време на собирот во чест на Денот на Бастиља. Булел грабна камион со кој се уфрли на Англиската променада во близината на морскиот брег и ги газеше собраните граѓани.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
