Се повлече од репрезентацијата: Тимот на Босна и Херцеговина остана без Ибишевиќ

Напаѓачот на Херта Берлин, Ведад Ибишевиќ, реши да стави крај на репрезентативната кариера и во иднина да не настапува за репрезентацијата на Б и Х.

– Претходно изјавив дека ако не се пласираме на Мундијалот во Русија, натпреварот против Естонија ќе биде мој последен. Мислам дека во овие години, оваа одлука е навистина добра и за мене и за репрезентацијата. Горд сум што десет години го носев репрезентативниот дрес, имаше и среќни и тажни моменти, но повеќе беа оние убавите, заврши Ибишевиќ.

33-годишниот Ибишевиќ за репрезентацијата на БиХ настапи на 82 натпревари, на кои запиша 28 гола, а во 2013 година го постигна победоносниот гол против Литванија и донесе пласман на Светското првенство во Бразил.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.