Обрадовиќ: ЕУ сака во Србија да насели 600.000 мигранти – еве докази

Претседателот на српската партија Двери, Бошко Обрадовиќ и пратеник во српското собрание, на новинарите им го покажа одговорот на министерот за внатрешни работи на Србија, Небојша Стефановиќ, на барање на известување од пратеник од Двери, на кои се гледаат како што кажа Обрадовиќ се гледаат нивните сомнежи и критики на односот на Владата кон мигрантската криза биле оправдани.

-За пет години во Србија евидентирани се 618.412 баратели на азил, од кои дури близу 500.000 од воено зафатените подрачја во кои делува Исламската држава: Сирија и Авганистан. Тоа беше и причина на одењето на народните пратеници од Двери на седницата на Советот на Младеновац каде е усвојуван локалниот акционен план за подобрување на положбата на мигрантите за периодот од 2017 до 2021.

Обрадовиќ ги кажа земјите од каде што се лицата кои бараат азил во Србија:

Сирија 316.224

Авганистан 171.867

Ирак 79.165

Иран 12.018

Пакистан 11.081

Сомалија 6.188

Мароко 2.909

Еритреја 2.743

Нигерија 1.067

-Барателите на азил во случај на недобивање на саканиот статус во земјите од Северна, Средна и Западна Европа и нивното исфрлување од тие земји, истиот би можеле да го добијат во Република Србија и со тоа да се стекнат со сите права кои Законот за азил им ги прижа, а кои скоро во ништо не се разликуваат од уставно загарантираните права на граѓаните на Република Србија, а до стекнување на правото на граѓанин на Србија би биле сместени во трајните азилантски центри, кои се планираат ширум Република Србија, изјави Обрадовиќ.

Како што кажа Обрадовиќ во овој момент во Србија се отворени 14 прифатни центри за прифаќање на мигрантите од Прешево до Суботица, од Шид преку Сомбор до Кикинда, во Обреновац, Белград, Пирот, Бања Ковиљача, Боговач…

-Во општината Александровац и во белградската општина Младеновац во тек се усвојувањата на наметнатите Локални акциони планови за подобрување на положбата на мигрантите, што укажува дека Владата на Србија има намера, под притисоците од Брисел, трајно да насели мигранти во празните српски села и на територијата на државата Србија воопшто. Воените касарни и одмаралишта за деца, како во Дивљани крај Ниш и во општината Бела Паланка се претвараат во центри за азил, изјави Обрадовиќ.

Како што потенцираше Обрадовиќ децата мигранти се интегрирани во нивниот образовен систен, што нема никаква логика. Тие деца според него треба да имаат образование во рамки на привремените прифатни центи, но не и интеграција во образовниот систем на Србија.

-Го повторувам клучното прашање на кое никогаш никогаш не добивме одговор: Зошто мигрантите кога ќе влезат на територијата на ЕУ, како што е Грција, повторно ја напуштаат ЕУ и наместо Бугарија, Романија и Унгарија да стигнат во своите дестинации, тие проаѓаат низ Србија за повторно да би имале проблеми со влегувањето на територијата на ЕУ? Дали власта на Александар Вучиќ има намера во наредните пет години од Србија да направи најголем азилантски центар во Европа, запраша Обрадовиќ.

Обрадовиќ на крај и додаде: „Сега разбирате зошто делегацијата на Двери бараше да присуствува на седниците на Советот на градската општина Младеновац и да праша зошто општината носи план за унапредување на положбата на мигрантите? Постои одлука на Владата на Србија во касарната во Мали Врбинци да се претвори во азилантски центар и сега во тек донесување на локалниот акционен план за унапредување на положбата на мигрантите во наредните пет години, а во рамки на тоа општината треба да одвои 2 милиони евра од буџетот на најсиромашните белградски општини. Зарем не е прво што би требало да се решава големиот број проблеми на младеновчани, а не мигрантите: Сигурен сум дека сите граѓани на Србија се загрижени поради ова и дека сигурно не сакаат Србија да стане најголем азилантски центар во Европа“, заклучува Обрадовиќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.