Маж со прострелна рана во главата пронајден во автомобил на паркинг во Битола

Во возило на паркинг, пронајдено е тело на 34-годишен маж со прострелна рана во главата, кој според полицијата, најверојатно извршил самоубиство.

Од МВР соопштија дека завчера околу 7 часот на патниот правец Ресен-Битола, на паркинг во близина на техничкиот преглед на излез од градот, во возило „Поло“ починат бил пронајден М.П.(34) од Ресен со прострелна рана во пределот на главата. Во внатрешноста на возилото бил пронајден пиштол марка „ХС“ калибар 9мм.

Смртта е констатирана од Итната медицинска помош и извршен е увид од екипа на Секторот за внатрешни работи Битола, а по наредба на јавен обвинител, телото на починатиот е предадено за обдукција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.