Ел Чапо има халуцинации во затворот во Њујорк

Адвокатите на мексиканскиот нарко бос Хоакин Гузман, познат како „Ел Чапо“ тврдат дека се влошува неговото ментално здравје во американскиот федерален затвор во Њујорк поради репресивните мерки кои се применуваат и оти тој почнал да халуцинира.

Оваа оценка ја изнесоа адвокатите во барањето за психолошка проценка на нивниот клиент, доставено до судот.

Американските медиуми потсетуваат дека Ел Чапо од јануари се наоѓа во њујоршкиот затвор и оти на него се применуваат рестриктивни услови, познати како специјални административни мерки.

Адвокатите на Ел Чапо наведуваат дека тој веќе не може да се сети на луѓе, места и настани, се жали на халуцинации и тврди дека Владата го снима додека престојува во ќелијата.

Шефот на нарко-картелот „Синалоа“ два пати бегаше од затвор со максимално обезбедување во Мексико, пред минатата година да биде уапсен и екстрадиран во САД.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.