Италијанецот заразен со ХИВ вирус, Валентино Талуто, осуден е на 24 години затворска казна поради тоа што за помалку од десет години намерно заразил триесетина жени со вирусот.
Од обвинението за „ширење на епидемија“ – прво во Италија за која што обвинителството бараше доживотна затворска казна, 33-годишниот Талуто сепак успеа „да се спаси“, па беше прогласен за виновен за нанесување на тешки повреди на повеќе жртви.
Талуто своите жртви ги наоѓал на социјалните мрежи и на интернет страниците за запознавање. Многу меѓу нив биле студентки, а некои и биле омажени. Најмладата жртва имала само 14 години кога започнала нивната врска, а најстарата имала 40 години.
За време на судењето, монструмот од Италија не изразил никакво жалење за тоа што го сторил.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
