Тажната судбина на поранешната хрватска надеж: Сега сум уличен пејач, работам градежно, а ме бараа Англичаните

Станува збор за животот на 32-годишниот голман Роман Брнад кој сега брани во петата лига за тимот на Томислав од Ливан кај Осијек. Паралелно тој речиси секој ден е на главниот плоштад во овој град каде што пее.

– Како голман заработувам 60 евра месечно и 60 како тренер, а сето тоа само шест месеци во годината колку што се двете полусезон. Без да пејам јас тешко би преживеал. Но не е сето тоа, јас работам и градежно кога ќе искочи некоја работа. Имав понуда како млад да заминам во Англија, поточно Њукасл, но тогаш се решив да останам. Пред две години Мамиќ ме повика да бидам трет голман во Динамо Загреб, но не заминав бидејќи тој ме покани откако ме запозна и му се допаднав како пејач, па затоа немаше смисла да се преселаб на „Максимир“ – вели Брнад.

Иако од фудбалот ништо не заработува, тој и понатаму е упорен и има голема желба да стане што подобар тренер на голманите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.