Претседателот Иванов во Брисел на средба со Туск

Претседателот на Република Македонија Ѓорге Иванов од денеска ќе престојува во дводневна работна посета на Брисел, Кралството Белгија.

Од неговиот кабинет соопштуваат дека денеска ќе оствари средба со претседателот на Европскиот совет, Доналд Туск.

Шефот на македонската држава утре ќе учествува на 19. годишна сесија на Форумот за домашна и глобална безбедност, во рамки на Форумот Кран Монтана. Предвидено е Иванов да се обрати на официјалната сесија на отворањето на форумот, како и на пленарната сесија посветена на соседската политика на Европската унија, со посебен фокус на „Иницијативата три мориња“.

За време на работната посета на Брисел, претседателот Иванов ќе оствари средба со заменик претседателот на Владата и министер за надворешни работи и европски прашања на Кралството Белгија, Дидие Реиндерс.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.