Велешанец загина во сообраќајка во Демир Капија

Седумдесет и двегодишен велешанец утрово загина во сообраќајна несреќа во Демир Капија, информира портпаролот на СВР Велес, Верољуб Додевски.

– Околу 06:00 часот во Демир Капија на ул.„Партизански одреди“ пред куќен број 84 случена е сообраќајна незгода, при што, патнички автомобил марка „Опел астра“ со неготински регистарски ознаки управуван од М.Н.(47) удрил пешак Б.Т.(72) од Велес, кој се движел на коловозот во ист правец како и автомобилот. Од добиените повреди пешакот починал на местото на настанот, кое е констатирано од страна на екипата за Итна медицинска помош од Неготино, соопшти Додевски.

Во присуство на јавен обвинител од Основното јавно обвинителство Кавадарци увид извршила екипа од Полициската станица Неготино.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.