Карамбол во Скопје: Момче од Сопиште удри во паркирани возила, маж се бори за живот

Три лица се повредени, од кои едно се бори за живот по сообраќајна несреќа која вчера околу полноќ се случила на крстосницата со улиците „Сава Ковачевиќ“ крак 1 и 11.

Од полицијата информираат дека 22 годишниот Б.Ј. од скопско Сопиште управувајќи автомобил „Пежо“ удрил во три паркирани возила, „Шкода“ паркирана од Ј.Ј. (30) од Кратово, „Фолксваген Бора“ паркиран од Ј.Н. (55) од скопско Стајковци и „Фиат Добло“ паркирано од непознат возач.

Со возило на Итна медицинска помош, возачот на „Пежото“ бил пренесен во ГОБ „8 Септември“, а возачите на паркираните автомобили кои во моментот на несреќата биле во нив биле пренесени во ГОБ „Св. Наум Охридски“.

Лекарските екипи кај Ј.Ј. констатирале тешки повреди и истиот се наоѓа во животна опасност, со фрактура на ребрата и напукната слезина. Кај Б.Ј. од Сопиште и Ј.Н. од Стајковци констатирани се телесни повреди и истите се пуштени на домашно лекување по укажаната лекарска помош.

На местото на настанот полициски екипи извршиле увид.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.