Бесплатен оброк за учениците во општините кадешто ќе победи ВМРО-ДПМНЕ

Во Новата ера секоја општина во државата, вклучително и Валандово учениците од прво до петто ќе имаат бесплатен оброк во секоја општина каде што ВМРО-ДПМНЕ и коалицијата ќе имаат мнозинство. Ова го потенцираше лидерот на ВМРО-ДПМНЕ Никола Груевски на митингот на коалицијата „За подобра Македонија“ во Валандово.

Тој од Валандово најави и нов проект – Стекнување сопствен дом. Овој проект ќе овозможи семејствата кои немаат свој дом, да можат да дојдат до сопствен дом со многу пониски трошоци. Проектот ќе опфати обезбедување локации и земјиште за изградба на нови куќи од страна на општината. Земјиштето ќе биде поделено на парцели и понудено за купување на аукција по симболична почетна цена од само едно евро по квадратен метар.

– Општината ќе има обврска од сопствени средства да им обезбеди патна и комунална инфраструктура на граѓаните за овие локации, рече Груевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.