Падна првиот снег во Македонија: Побелеа Водно, Скопска Црна Гора и Шар Планина (ФОТО)

Во Македонија времето денеска ќе биде облачно и студено, со повремени врнежи од дожд, кои наместа ќе бидат пообилни со над 20 л/м2, претежно во западните и во северните делови. На планините над 1.500 метри надморска височина ќе има и врнежи од снег. Ќе дува умерен, повремено засилен северозападен ветер кој на моменти ќе дува си брзина до 70 км/ч.

Утринската температура ќе се движи од шест до 15, а дневната температура од осум до 16 Целзиусови степени.
Во Скопје ќе биде променливо облачно со повремен дожд, повремено интензитетот на врнежите ќе се засилува. Ќе дува умерен до засилен ветер од северозападен правец. Температурата ќе се движи од девет до 10 степени.

Во наредните денови на планините над 1.500 метри надморска височина ќе има и врнежи од снег. Ќе дува умерен повремено засилен северозападен ветер (на моменти до 70 км/ч), кој ќе предизвика значително и нагло опаѓање на температурата на воздухот за околу 13 степени. Од недела следува период на стабилно и суво време со постепен пораст на дневната температура.

Инаку утрово снег има на планините Водно, Шарпланина и Скопска Црна Гора.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.