Прва жртва на изборите: Кандидатот од Кичево им подлегна на повредите

Независниот кандидат за советник во општина Кичево Алит Абази кој беше ранет на 26-ти септември во Кичево, им подлегна на повредите, по сериозните повреди кои ги имаше во стомакот.

Од Хируршките клиники информираат дека и покрај сите напори на лекарскиот тим, Абази починал во 4 часот утринава.

Абази е прва жртва на изборните инциденти во кампањата за локалните избори која минува со тешки насилства.

Абази бил нападнат од зад грб, додека бил со шефот на неговиот изборен штаб, Дестан Абдиу кој исто беше мета на напаѓачот. Нападот се случи во центарот на Кичево.

Абази неколку дена се наоѓаше во критична состојба на Одделот за интензивна нега на скопските клиники. Имапе сериозни повреди на абдоменалните органи и сериозни повреди на р’бетот и р’бетниот столб.

Мотивите за неговото убиство се уште не се разјаснети, но, сепак, крвавиот настан се случи во тек на изборна кампања, што говори дека претстојните локални избори сепак нема да поминат без нерегуларности, ако се земе предвид фактот дека веќе се случија и и други физички пресметки.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.