Хорор во Скопје: Киднапирале дете и го терале да питачи – го спасиле во последен миг

Одделот за сузбивање на организиран и сериозен криминал поднесе кривична пријава против 60-годишниот Ќ.К. од Скопје поради постоење основи на сомнение за сторено кривично дело „трговија со дете“, соопштуваат од МВР.

Пријавениот искористил можност и грабнал 11-годишно дете, кое престојувало во Прифатен центар за бездомни лица „Чичино Село“ во село Сарај, по што го однел во својот дом каде навечер го чувал заклучен, а преку ден го принудувал на питачење. На 25.09.2017 година детето било пресретнато со патничко возило во кое, освен пријавениот, биле уште две непознати лица. Се обиделе да го намамат со тоа што на детето му кажале дека неговиот татко е во возилото, но тоа одбило да влезе во возилото. Во тој момент едно од непознатите лица излегло од возилото и насилно го внел внатре. Потоа, со употреба на сила, го однеле во домот на пријавениот и го сместиле во просторија без прозорци, осветлување и мебел и го држеле заклучено. Воедно, му се заканиле дека врз него ќе употребат физичка сила доколку не биде мирно. Следните денови, пријавениот го носел детето во близина на стоковната куќа „26 ти Јули“ и го принудувал да питачи. Цело време тој бил во негова близина и му ги одземал собраните пари од питачењето.

На 29.09.2017 година, пријавениот го принудил детето да питачи пред трговски центар „Веро“ на булевар „Кузман Јосифовски Питу“.

Случајот бил пријавен во полиција од страна на родителите на детото, по што била распишана потрага.

На 29.09.2017 година околу 14 часот неговиот татко го забележал детето во близина на трговскиот центар “Веро“, а пријавениот побегнал од местото. По преземни мерки пријавениот бил приведен и изведен пред судија на претходна постапка, при што му е одредена мерка притвор во траење од 30 денови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.