„Богдановиќ со пари од центарци набавил зелен картон за возило на неговото семејство“

Уште еден скандал и злоупотреба на парите на центарци од страна на Саша Богдановиќ, откриваат од ВМРО-ДПМНЕ.

Коста Јовановски и денес покажа фактура со која Богдановиќ приватните задоволства ги плаќал од парите на ПОЦ, односно од џебот на граѓаните.

-Оваа фактура е доставена до ЈП „Паркинзи на општина Центар“ за извршена услуга, односно набавка на зелен картон во вредност од 5536 денари. Немаше да биде ништо чудно ако оваа фактура е за потребите на ПОЦ, но сепак не е така. Сакаме да прашаме на кого припаѓа регистрацијата со број SK 387 TB. Дали возилото со оваа регистарска табличка припаѓа на член на неговото потесно семејство? Ако е ова вистината, по кој основ, членови на неговото семејство користат привилегии на сметка на ПОЦ, прашува Јовановски.

Јовановски три дена го прозива Богдановиќ, но тој молчи за скандалите.

-Време е Српче да понесе одговорност за неговите постапки. Недозволиво и е срамно директор на јавно претпријатие со директорска плата така ниско да падне и на сметка на граѓаните на Центар да овозможи на членови на неговото потесно семејство да патуваат во странство за лични потреби, рече тој.

Вели дека ако Богдановиќ вака расипнички троши и ги злоупотребува народните пари во функција на директор на ПОЦ, граѓаните треба да замислат каков би бил тој како градоначалник на Центар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.