Променливо облачно со кратки сончеви периоди

Во Македонија претпладне времето ќе биде променливо облачно со кратки сончеви периоди. Попладне ќе има повремени врнежи од дожд, особено во источните, кон крајот на денот во јужните делови од земјава, каде се очекува да бидат пообилни. Ќе дува слаб до умерен североисточен ветер.

Утринската температура ќе се движи од шест до 14, а дневната температура од 16 до 24 степени.

Во Скопје ќе биде променливо облачно, претпладне со кратки сончеви периоди. Ќе дува слаб до умерен североисточен ветер. Утринската температура ќе достигне до 11, а дневната до 21 степен.

Во следните денови ќе преовладува променливо облачно и свежо време, со слаб до умерен ветер од североисточен правец. До петок ќе има повремени врнежи од дожд со слаб до умерен интензитет, особено во јужните делови. За време на викендот ќе има и сончеви периоди, но без позначителна промена на температурата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.