Мис Турција остана без круната поради твит за жртвите од пучот

Етер Есен, која победи на натпреварот на Мис Турција 2017, синоќа беше лишена од круната и титулата неколку часа подоцна.

Причината е нејзината стара порака на Твитер, поврзана со обидот за државен удар на 15 јули 2016 година.

„Со жалење ве известуваме дека таков твит навистина беше објавен од Етер Есен и не е можно организаторите на Мис Турција да ја поддржат таквата порака кога станува збор за претставување на Турција и нејзиниот имиџ кон светот”, се вели во официјалното соопштение. .

Мислам, како 18-годишно девојче немав политички цели кога ја напишав оваа порака – изјави таа

Таа ги отстрани фотографиите од натпреварот од нејзините профили од социјалните мрежи.

Во твитот таа напишала: Утрово го добив месечниот циклус, за да го празнувам 15 јули, Денот на мачениците. Го празнувам со крв, како крвта на нашите маченици.

Новата Мис Турција, која ќе ја претстави својата земја на натпреварот „Мис на светот“ во Кина е Асли Сименс.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.