Нема мигранти, а ЕУ формира фонд да ни помогне да се справиме со нив?!

Фактот дека бранот бегалци нема да ја заобиколи ниту Македонија секојдневно станува пореален. Националната стратегија и Акцискиот план за интеграција на странци и бегалци на Владата на Зоран Заев, претставува реална закана за Битола, Радовиш, Охрид, скопската населба Ѓорче Петров како и останатите општини во кои ќе се смени комплетно составот на населението со населување на овие лица.

-Темата мигранти е фиктивна конструкција на ВМРО-ДПМНЕ која на терен ја реализира граѓанската иницијатива “Будење”. Во неколку општини и градови граѓанската иницијатива “Будење” собираше потписи против населувањето мигранти, со една и јасна цел- да го заплашат народот. Но ова сценарио го срушија самите собирачи на потписи, а потврда за тоа се и фотографиите во кои се гледа како граѓаните од иницијативата ги внесуваат масите во општинскиот штаб на ВМРО-ДПМНЕ во населбата Аеродром. Затоа и на вчерашната седница на Советот на општина Центар, советничката група на ВМРО-ДПМНЕ немаше аргументирано образложение зошто бара ваква точка итно да се стави на дневен ред, рекоа од општина Центар.
Владата предводена од Зоран Заев не се откажува од планот за доселување на мигрантите и градење на згради за нив во 17 општини низ Македонија, а Охрид, Куманово, Кавадарци, Битола, Прилеп, Кочани, Радовиш, Гази Баба, Карпош, Ѓорче Петров, Центар, Аеродром, Неготино, Дојран, Богданци, Гевгелија и Штип, се 17-те општини во кои Владата планира да се населат мигрантите.

Граѓаните на овие општини бараат референдум за да може да се изјаснат по ова прашање.

Пратениците од СДСМ од Кавадарци сметаа дека тоа се измислени теми, пласирање лажни вести и непотребно се шири паника кај граѓаните.

Советникот Зоран Бањански од СДСМ рече дека да се расправа дали во Кавадарци да се примат мигранти, е исто како да се поставува прашањето – Дали во Кавадарци примаме диносауруси?

Но, одговорот на ова прашање вчера дојде од ЕУ. Таму се формираше фонд кој ќе ни помогне да се справиме со мигрантите. http://www.eib.org/infocentre/press/releases/all/2017/2017-248-five-countries-pledge-contributions-for-the-eu-banks-economic-resilience-initiative-to-tackle-migration-and-create-jobs

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.