Укината радиодифузната такса

Собранието на Република Македонија денеска го донесе законот со кој се укинува плаќањето на радиодифузната такса.

Измените на Законот за аудио и аудиовизуелни медиумски услуги беа донесени по скратена постапка.

Итно донесување на закони за зголемување на платите на административците и укинување на радиодифузната такса, побара ВМРО ДПМНЕ

Со законот се предвидува приходот, што досега го добиваше МРТ преку собирање на оваа давачка, да се финансира од државниот Буџет и тоа во износ од 0,5 проценти од вредноста на Буџетот на годишно ниво. За таа цел потребно е да се одвојат 885 милиони денари на годишно ниво од Буџетот на Република Македонија за 2018 година. Покрај од Буџетот, МРТ ќе се финансира и од други средства, односно од приходи на кабелските оператори и од приходи остварени со продажбата на програма произведена во МРТ.

Радиодифузната такса беше воведена во 2005 година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.