Позитивна атмосфера во Прилеп, Битола и Штип: На 15 октомври граѓаните ќе ги казнат политиките на оваа власт

ВМРО-ДПМНЕ продолжува активно да се подготвува за локалните избори на 15-ти октомври, меѓу членството на партијата може да се види еуфоричност и решеност да се дојде до голема победа изборите. Сите праќаат пораки дека граѓаните виделе со кого си имаат работа и дека поради тоа Владата предводена од Заев и СДСМ ќе биде казнета во октомври.

Работен состанок одржа Општинскиот комитет во Прилеп, каде меѓу големиот број кој присуствуваа на истиот, присуствуваше и градоначалникот кој ќе трча по четврти мандат на локалните избори, Марјан Ристески. Граѓаните му изразија благодарност за она што тој го направи во изминатите 12 години за Прилеп и му порачаа дека во него гледаат единствен човек кој може да го продолжи напредокот на овој град.

Покрај состанокот на Општински комитет, координација имаше и Унијата на жени на ВМРО-ДПМНЕ во Прилеп. Од таму велат дека меѓу членството, но и меѓу другите граѓани се чувствува победничка атмосфера и тие се сигурни дека најбројната партија во Собранието ќе стигне до убедлива победа на локалните избори.

Унијата на жени на ВМРО-ДПМНЕ координација имаше и во Битола. Иста еуфорична и триумфална атмосфера како и во сите други штабови на ВМРО-ДПМНЕ низ државата имаше и таму. Тие порачуваат дека победата на локалните избори е навистина важна не само за Битола, туку и за целата Македонија, бидејќи таа ќе значи најверојатно и предвремени парламентарни избори, каде што ВМРО-ДПМНЕ ќе се врати на власт, бидејќи тоа е партијата која единствена се грижи за националните интереси на Македонија.

Победничка атмосфера можеше да се примети на состанокот на Месниот комитет во населба Баби во Штип. Од таму порачаа дека штипјани се задоволни од досегашното работење на локалната самоуправа предводена од ВМРО-ДПМНЕ и дека победата на овие избори е сигурна.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.