Усвоени измените на Изборниот законик, Беса ќе има член на ДИК

Собранието на Република Македонија на 13. седница со 77 гласа „за“, ниту еден против и воздржан го донесе Законот за изменување на Изборниот законик, поднесен од пратеничките групи на владејачкото мнозинство и опозицијата.

Со измените на Изборниот законик е предвидено составот на Државната изборна комисија да биде во согласност со постоечкиот однос на партиите во Собранието.

Пратеникот на Беса Фадил Зендели на прес-конференција во Собранието изјави дека очекуваат да имаат член на Државната изборна комисија (ДИК) на претстојните локални избори. Во спротивно, истакна Зендели, одлуките на ДИК би биле нелегални и нелегитимни.

Според информации од партијата Беса, најголеми шанси за член на ДИК има адвокатката Ермира Асани Салија, која е член на Централниот одбор на Беса.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.