„Лувр Абу Даби“ се отвора во ноември

„Абу Даби Лувр“, проект за чијашто дозвола Обединети Арапски Емирати ѝ платија на Франција повеќе од една милијарда долари, а на кој се чека цела деценија, ќе биде отворен на 11 ноември, најавено е во главниот град на Емиратите.

– Во време кога културата е на удар, ова е наш заеднички одговор – изјави францускиот министер за култура Франсоа Нисен, пренесоа агенциите.

Ова е првпат некое здание да го користи името „Лувр“, освен музејот во Париз, а намерата е да ги привлече туристите од соседните арапски земји и целиот свет, изјави министерот за култура на ОАЕ шеикот Најхан бин Мубарак ал-Најхан.

– Како што е „Лувр“ круна на Париз, сакаме „Лувр Абу Даби“ да биде круна во нашиот град – изјави министерот Најхан.

Галеријата е сместена на пустиот, огромен остров Саадијат во близина на Абу Даби, а во текот на градбата, кој трае десетина години, имаше многу проблеми – економски превирања и критика на сметка на условите за работа на работниците.

Потпорниот таван тежок 7.500 тоа, идентичен како и Ајфеловата кула, го дизајнирраше познатиот францускии архитект Жан Нувел, а се состои од осум слоеви геометриски облици изработени во арапски стил, и е замислен како купола што се движи и отсликува игра на светлина и на сенки.

„Лувр Абу Даби“ се наоѓа на 40 метри надморска височина, а куполата е 36 метри над земјата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.