У 21 ги започнаа квалификациите со триумф над Ерменија

Фудбалската репрезентација на Македонија за играчи до 21 година со победа од на гости постигната попладнево во Ереван против Ерменија ги почна новите квалификации за Европското првенство 2019 година. Избраниците на селекторот Благоја Милевски сосема заслужено стигнаа до триумфот од 3:0 во натпревар во кој имаа комплетна доминација и контрола над играта и резултатот.

Стрелец на сите три голови беше капитенот на нашата репрезентација Тихомир Костадинов (8.минута, 26.минута и 72.минута).

Ерменија и покрај поразот денеска остана на првата позиција на табелата.

Табела: Ерменија 4 бодови (3 натпревари), Србија 3 (1), Македонија 3(1), Австрија 3 (1), Русија 1 (1) и Гибралтар 0 (3).

Македонија следниот натпревар го игра на 6.октомври на домашен терен против Србија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.