Трајановски на првиот училиштен час во „Раде Јовчевски Корчагин“

Во скопските средни училишта од денеска учебната година ја почнуваат 6.496 ученици. Градоначаникот на Град Скопје Коце Трајановски денеска присуствуваше на првиот училиштен ден од оваа учебна година во СУГС „Раде Јовчевски-Корчагин“ и посака успешен почеток.
– Се надевам дека сте направиле правилен избор, ова е многу добра гимназија со високо реноме, така што од вас очекуваме да учите и да постигнете големи успеси. Но, треба да знаете дека успехот зависи само од вашиот ангажман во учењето и од правилниот распоред на времето во текот на денот. Затоа Ви велам дека треба да учите и поголем дел од денот да го посветите на учењето за сите ние во иднина да се гордееме со вас, а Вашето време допрва доаѓа, им порача Трајановски.

СУГС „Раде Јовчевски-Корчагин“, како што наведуваат од Град Скопје, годинава ги пречекува учениците со нови подови во училниците, реновиран покрив на објектот и уреден двор, односно во многу посолидни услови за работа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.