Калифорнија прогласи вонредна состојба поради пожарот околу Лос Анџелес

Гувернерот на Калифорнија, Џери Браун прогласи вонредна состојба во пошироката област на Лос Анџелес, откако големиот пожар што започна во саботата се приближи до реонот на Бурбенк.

Околу илјада пожарникари, со стотина противпожарни возила, како и девет специјализирани хеликоптери се борат со огнената стихија, која досега уништи неколку станбени згради, десетина други домови и објекти.

Претставник на полицијата соопшти дека досега поради прегреаност на нивните тела настрадале двајца пожарникари, но дека нивната состојба не е опасна по живот. Според полицијата засега нема сознанија за други повредени или за настрадани лица.

Над 300 куќи во реонот на Бурбенк, позната населба недалеку од Лос Анџелес, како и 180 други во градот, се итно евакуирани поради пожарот кој се заканува да навлезе подлабоко во овој милионски град.

Откако за прв пат се појавил на падините на планината Вердуго, во близината на Лос Анџелес, пожарот за кратко време се рашири на над две илјади хектари шума, .

Градоначалникот на Лос Анџелес, Ерик Гарсети кој претходно потпиша декларација за локална вонредна ситуација, изјавил дека градот се соочува со „најголемиот пожар во историјата“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.