Големиот борец ја изгуби најтешката борба. 13-годишниот Гоце Марковски од Битола ја загуби битката со туморот на мозокот. Светот изгуби голем потенцијал, извонреден пливач и талентиран пијанист.
Тој храбро се бореше со болеста која му беше дијагностицирана пред помалку од една година.
Гоце беше опериран од тумор на мозок во почетокот на декември минатата година. По интервенцијата, замина на неопходно пост-оперативно лекување во Германија во Универзитетската Клиника во Хале. Но, лекувањето мораше да продолжи, а неговото семејство имаше потреба од помош која неопходна за покривање на сите трошоци во износ од 50.000 евра. За него се одржаа голем број хуманитарни акции и донации, со цел да се спаси еден млад живот.
Гоце беше роден во Битола на 25 декември 2003 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
