Денови на св. Мајка Тереза во Скопје

Граѓанската асоцијација „Скопјанката Мајка Тереза“ од денеска до 5 септември ја организира Манифестацијата „Денови на св. Мајка Тереза“.

Во рамки на манифестацијата денеска ќе биде положено цвеќе пред Спомен-плочата на местото на родната куќа на Мајка Тереза и ќе биде посетена нејзината спомен-соба во Феудалната кула.

Ќе се одржи и ликовна изложба од сликарите Живко Поповски-Цветин, Розе Мојсовска и децата со аутизам од Здружението „Во мојот свет“-Скопје, промоција на музички спот „Еден свет за сите“ од браќата Тавитијан и литературно читање на тема „Големото срце на Мајка Тереза“ со ученици од ОУ „Климент Охридски“ од Бутел.

За време на манифестацијата ќе биде одржана и крводарителска акција, света миса во Католичката црква во Скопје, како и доделување посланија за хуманост и статуетски со ликот на св. Мајка Тереза на хумани граѓани и здруженија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.