Министерство за финансии со шокантни најави: Можно е да следи зголемување на придонесите и покачување на границата за пензионирање

Главниот советник на Драган Тевдоски во Министерството за финансии, Бранимир Јовановиќ откри уште некои мерки кои е можно да бидат преземени од владата на Зоран Заев и СДСМ: зголемување на придонесите и покачување на границата за пензионирање.

Oва Mинистерството за финансии, според пишувањето на Јовановиќ, би го направило за да ја покрие дупката во фондот која е главното оправдание на Заев и СДСМ зошто на пензионерите им е укинато линеарното покачување од 5% со кое сите пензионери ќе добиеа по 650 денари. За споредба, со мерките на Заев најсиромашните пензионери добија месечно усогласување на трошоци од мизерни 85 денари.

За оправдување на ваквите одлуки на Заев и СДСМ, Јовановиќ ги обвини пензионерите кои ако не ги добивале покачувањата во претходните години, Македонија ќе можела да изгради соларна централа. Притоа, тој ја демантираше министерката Мила Царовска која на прес-конференција немаше доблест да признае дека нема да има покачување на пензиите па популистички се обидуваше да ги излаже.

Јовановиќ призна дека во буџетот не се предвидени и нема во скоро време да бидат предвидени средства за подобрување на стандардот кај пензионерите.

Според Јовановиќ, со подигање на придонесите и покачување на границата за пензионирање, ќе се задржеле младите во земјава, како што вели на крајот на својот фејсбук коментар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.