Македонската кошаркарска репрезентација го претрпе третиот пораз во групата Ц во претквалификациите за Светското првенство 2019.
Попладнево Македонија загуби на гостувањето во Талин од Естонија со 74:65 (16:18; 25:23; 13:14; 20:10). Со оваа победа Естонија го обезбеди првото место во групата.
За Македонија да се пласира на второто место во групата потребно е на дуелот од последното коло од групата во сабота во Приштина Естонија да го победи Косово.
Нашите кошаркари беа рамноправни во првите 30 минути и на крајот од третиот период водеа со 55:54. Но, слабата игра во нападот во последниот период на Естонија и донесе победа.
Џордан Теодор со 19 поени и Војдан Стојановски со 18 беа најефикасни кај Македонија, додека за Естонија Стен Сок постигна 15 поени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
