Серија пожари на грчкиот остров Закинтос

Грчките власти прогласија вонредна состојба на островот Закинтос, каде што четири дена беснеат пожари.

Според локалната противпожарната служба, на Закинтос горат пожари на 12 локации, но засега тие не претставуваат закана за населените места и хотелско-угостителските објекти на островот, кој е популарна туристичка дестинација.

Градоначалникот на Закинтос, Павлос Колокоцас, рекол дека постојат јасни индиции дека пожарите се намерно подметнати.

Во меѓувреме, продолжуваат напорите на пожарникарите за справување со големиот пожар што беснее североисточно од Атина, поради кој неколку илјади лица во регион денеска беа принудени да ги напуштат своите домови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.