Нова жртва на жештините, во Галац почина 52-годишен маж

Романскиот весник „Романиа либера“ денеска јави за нова жртва на жештините во земјата. Весникот пренесе дека 52-годишен жител на источниот романски град Галац изгубил свест на локалните гробишта и подоцна починал во болница од термички шок заради изложување на високите температури, јави портпаролот на Дирекцијата за јавно здравје во градот.

Ова е прва жртва на горештините во округот Галац, но со другите три смртни случаи од последните денови се смета дека горештините доведоа до влошување на состојбата со хроничните заболувања.

Според локалната служба за итна помош, во последните 24 часа во болниците биле примени девет лица на возраст меѓу 12 и 80 години, откако претходно ја загубиле свеста поради високите температури.

До крајот на минатата недела, горештините во Романија предизвикаа смрт на шест лица.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.