В среда е Свети aрхангел Гаврил: На овој ден најдобро е да почнете…

В среда е Свети aрхангел Гаврил, во народот овој празник е познат и како летен Арханѓел, а за него се врзуваат и многубројни обичаи. На тие што ја почитуваат верата на тој ден им е забранета речиси секаква работа.

Свети архангел Гаврил се празнува веднаш по празникот Благовештение како учесник во настанот, односно како гласник на зачнувањето на Спасителот. А денес црквата се сеќава и ги слави сите негови јавувања на човечкиот род од почетокот на времето се до денес. Инаку, овој празник е најверојатно за првпат востановен во деветтиот век на Света Гора Атонска.
Именден празнуваат: Гаврил, Габриела и др.

Архангел Гаврил, заедно со архангел Михаил го имаат чинот на серафимите, а серафимите имаат највисок ангелски чин поради што стоеле најблиску до Бога.
Поради тоа се верува дека на денот на свети архангел Гаврил треба да се одмори и дека не треба да се работи за себе или за пари, но и дека ова е најдобро време за отпочнување на каква било доброволна работа.
Св. Архангел е посветен на доброто и давањето, па така и луѓето треба да се сетат на своите блиски како и на тие што имаат помалку од нив.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.