Грчкиот центар за контрола и превенција на болести (КЕЕЛПНО) сооптши дека во Грција е потврден првиот случај на западнонилски вирус, додавајќи дека минатата и во 2015 година во земјата немало случаи на овој вирус кај луѓе.
Лицето кое го има вирусот, живее во земјоделска област во Арголида, на Пелопонез. КЕЕЛПНО соопшти дека не е можно да се предвиди каде може да се појави вирусот, советувајќи ги жителите и туристите да се заштитат од комарци, кои ја пренесуваат болеста.
Спорадични случаи на западнонилска треска кај луѓе во Европа се појавиле уште во 60-тите години од минатиот век. Во Грција оваа болест првпат се појави во 2010 година, кога заболеа 262 лица, од кои 35 починаа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
