Расте притисокот и заканите од власта кон новинарите и новинарството

Симпатизери на ДУИ од населбата Дуќанџик во Чаир, упатиле закани до екипа на ТВ Шења поради прилози емитувани за проблемот со големата дупка која што е отворена веќе неколку недели, а која претставува опасност за локалното население. Истите тие лица, претходно и се заканувале и на граѓаните кои даваа изјава пред камерите на телевизијата, велат од таму.

Од Шења информираат дека три лица кои што се изјасниле како симпатизери на ДУИ, го попречиле снимањето на нивната екипа дури упатиле и закани, порачувајќи да не емитуваат уште еден прилог за ова. Истите овие лица, во текот на вчерашниот ден, им се заканувале и на жителите на населбата кои што давале изјави за Тв Шења. ТВ Шења јавно го поканува раководството на општина Чаир и градоначалникот Изет Меџити, да преземат мерки во врска со засегнатите лица. Исто така, ги покануваат и надлежните да реагираат во врска со ова прашање, како и Здружението на новинари на Македонија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.