Мислам дека тоа е резултат на финалето во кое се обидуваат да ја донесат Македонија и таа да капитулира околу името и јазикот и на тој начин да се отворат нови опции за Македонија и за регионот. И во таа насока дури и една Србија која покажа добра волја и ја призна Македонија под уставното име сепак ги задржа опциите доколку дојде поделба на земјата, вели Ристо Никовски за телевизија Алфа.
-Мислам дека не само Србија, туку сите овие ескалации кои се појавуваат во последно време, преку Тиранската платформа, преку 25 годишниот грчки ултиматум, како и новиот ултиматум од Бугарија да се потпише договор за пријателство и соработка, сите овие се со исто сценарио и водат сметка за вкупните развојни процеси во регионот и третманот кој го има Македонија кој се сведува на обиди да се прекрсти државата, вели Никовски.
Тој потенцираше дека и Брисел и Атина се маргините на проектот за промена на името па влез во ЕУ и НАТО, но носители на проектот е САД и за жал Брисел е само слеп следбеник на таквите американски политики.
-Македонија за жал е жртва иако некои не сакаат да го сфатат тоа. Иако ние немаме свои институти кои во меѓувреме ќе излезат со јасни факти, проценки, агрументи и ако сакаме ова да го сумираме, додека Атина сака да ни го промени името, од друга страна ја имаме Бугарија која ни го игнорира јазикот. Двата столба на оваа држава, народот и јазикот се под сериозно загрозување, истакна Никовски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
