Кире и Борко во дрим тимот на завршните кола од квалификациите

Одличниот настап во клучниот меч со Чешка беше доволна причина за двајца македонски репрезентативци да се најдат во дрим-тимот за завршните две кола од овој квалификациски циклус. ЕХФ утрово го објави идеалниот тим за петтото и шестото коло од квалификациите за ЕП, во кој прв голман е Борко Ристовски од Македонија, а најдобар десен бек очекувано е нашиот капитен Кире Лазаров.

„Бомбардерот“ постигна единаесет погодоци на дуелот со Чешка, додека Ристовски беше импресивен на голот со бројни фантастични интервенции, спа двајцата сосема заслужено се најдоа во овој избор на најдоброто од финишот на квалификацискиот циклус.

„Вардарецот“ Вуко Борозан е избран за најдобар лев бек, а во идеалниот тим имаше место и за Валур Сигурдсон (Исланд, лево крило), Томаш Бабак (Чешка, среден бек), Кристијан Бјорнсен (Норвешка, десно крило) и Бјарте Мирхол (Норвешка, пивот).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.