Најновото издание на манифестацијата „Види музика, слушни слика, добиј книга“ вечерва ќе го наполни Градскиот парк во Скопје. Годинава Македонската филхармонија ќе изведе композиции од „Пинк флојд“, а со оркестарот диригира Џијан Емин. Главен вокал и гитара ќе биде Ади Имери, а бендот е составен од: Александар Поп Христов, гитара, Иван Бејков, електричен бас, Александар Пујовски, гитара, Мартин Вучиќ, тапани, Благоја Перуновски, клавијатури, Маријана Николовска, пијано и Владимир Поп Христов, Сара Николовска и Ана Костадиновска, се придружни вокали.
Во текот на концертот, на големи платна ќе сликаат уметниците Јулијана Гешовска и Илија Спасовски-Чендо, а посетителите ќе добијат бесплатен примерок од книгата „За одењето по мраз“ од Вернер Херцог.
Концертот ќе одбележи исклучителна сезона на Македонската филхармонија, исполнета со врвни концерти и конечното отворање на салата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
