Денеска во Струмица во технолошко-индустриската развојна зона ќе биде отворена фабриката на американската компанија „Адиент“ (поранешен „Џонсон контролс’). Во фабриката, која е прв капацитет во ТИРЗ Струмица, ќе се произведуваат навлаки за автомобилски седишта. Инвестицијата изнесува 20 милиони евра, а, според првичните најави, предвидени се 1.500 вработувања.
Во новиот капацитет, изграден на површина од 13.000 квадратни метри, треба да бидат префрлени 750 работници што ги ангажираше „Адинет“ во браунфилд погонот во Струмица, а до крајот на годината уште 400 нови вработувања.
Изградбата на капацитетот почна пред една година, а инсталацијата на опремата и на машините кон крајот на април.
На отворањето на фабриката е најавено обраќање на потпретседателот за операции на „Адиент“ Владимир Теплик, директорот на Дирекцијата за технолошки индустриски развојни зони Виктор Мизо, како и претставници на Владата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
