Денеска на агендата на Груевски средба со еврокомесарот Хан

Претседателот на ВМРО-ДПМНЕ, Никола Груевски, вчера оствари средба со Елмар Брок, европратеник и поранешен претседавач на комитетот за надворешни работи на ЕП.

Груевски ќе претстојува во дводневна работна посета на Брисел. Главен настан на неговата посета е конференција за Западен Балкан која е организирана од Европската народна партија (ЕПП), а се одржува во Европскиот Парламент.

Тој во меѓувреме се сретна и со претседателот на ЕПП во Европскиот парламент, Манфред Вебер.

Претседателот на ВМРО-ДПМНЕ Никола Груевски денеска во Брисел исто така се сретна со европратеникот и потпретседател на Словенечката демократска партија, Милан Звер.

Груевски денес ќе има набиена агенда, според која се предвидени билатерални средби со голем број европратеници, но и средба со еврокомесарот за преговори за проширување, Јоханес Хан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.