Падна цената на маслото од канабис

Маслото од канабис кое досега беше достапно во аптеките низ Македонија и кое предизвика лавина коментари поради високата цена, сега може да се набави за двојно помали пари.

Оваа информација ја потврди и една домашна компанија, која всушност е производител на маслото, а како што се дознава, најверојатната причина за големото намалување претставува новата конкуренција која наскоро треба да ги наполни аптекарските полици со многу поевтино масло од канабис. Па така, маслото со 5% ЦБД, кое досега се продаваше за цена од 1.750 денари, сега може да се набави за 1.160 денари. Маслото со 7% ЦБД кое чинеше 2.420 денари, сега е достапно за 1.570 денари, а пак, маслото со 10% Ц БД и кое чинеше 3.100 денари, сега може да се купи за 2.100 денари.

– КАНОИЛ 10% ЦБД масло е маслен екстракт од растението канабис или коноп, што е едногодишно тревесто растение. Маслениот екстракт е со докажано отсуство на пестициди и хербициди во производот. Екстракцијата се изведува на ниска температура без употреба на органски растворувачи, што обезбедува највисок квалитет на маслениот екстракт.

Позитивни ефекти при употреба на ЦБД маслото од коноп се манифестираат и при состојби на стрес, анксиозност, нервоза, депресија, мускулни спазми. Се користи против гадење и повраќање, посебно за време на хемо или зрачна терапија кај малигните заболувања, помага во одржување на балансот на цревната флора. Ублажува состојби на болка од различно потекло, заради неговото противвоспалително дејство.

Може да се употребува и при превенција од кардиоваскуларни болести – помага при регулирање на крвниот притисок, ја подобрува работата на срцето, делува кардиопротективно, може да помогне во регулирање на покачени концентрации на липиди и холестерол во крвта, може да помогне во регулирање на покачена концентрација на гликоза во крвта – наведено е на официјалниот сајт на речиси сите производители.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.